TARI Uyole ni moja ya Kituo cha utafiti chini ya Taasisi ya Utafiti wa Kilimo Tanzania (TARI). Kituo hiki kipo katika ikolojia ya nyanda za juu Kusini  za Tanzania, kituo hiki kinatumikia kama kitovu kikuu cha utafiti kwa mikoa mikuu ya chakula ya taifa Ruvuma, Njombe, Iringa, Mbeya, Songwe, Rukwa, na Katavi. Kijiografia, TARI Uyole ipo kati ya latitude 7° hadi 9° Kusini na longitude 30° hadi 38° Mashariki, huku makao makuu yake yakiwa kwenye urefu wa mita 1,798 juu ya usawa wa bahari,Kina hali ya hewa baridi na yenye wastani inayofaa kwa utafiti wa kilimo wa aina mbalimbali.

Kihistoria, kilijulikana kama ARI Uyole, kituo hiki kimekua  kitovu kinachoongoza katika utafiti, ubunifu, na uratibu lengo lake likiwa kuboresha tija ya kilimo na uendelevu katika nyanda za juu kusini. Kituo hiki kina jukumu la kufanya na kuratibu utafiti wa kisayansi juu ya mazao muhimu kama viazi, mahindi, pareto, parachichi, na ubunifu mashine za kilimo, yote yakiwa na nafasi muhimu katika kuhakikisha usalama wa chakula na ukuaji wa uchumi nchini Tanzania. Pamoja na haya, kituo pia hufanya utafiti juu ya maharage, ngano, kilimo cha misitu (agroforestry), soya, na usimamizi wa rutuba ya udongo, huku kikiunganisha mbinu za taaluma nyingi ili kukabiliana na changamoto zinazojitokeza katika kilimo.

Ili kuhakikisha ufikiaji wa kina wa maeneo mbalimbali ya kijiografia na kiikolojia katika nyanda za juu kusini, TARI Uyole inafanya kazi kupitia vituo vidogo nane  vilivyopangwa kiikolojia Mbimba, Mitalula, Milundikwa, Nkundi, Igeri, Kikusya, Ndengo, na Suluti. Kila kituo kidogo kinazingatia utafiti maalumu wa eneo husika, kuruhusu Uwekaji wa majaribio, ukusanyaji wa data, na uthibitisho wa teknolojia katika hali mbalimbali za hali ya hewa na udongo.

Kupitia tafiti thabiti za kisayansi, programu za kisasa za kuzalisha mazao bora, na ushirikiano imara na wakulima, watunga sera, na wadau wa maendeleo, TARI Uyole inaendelea kuendesha mabadiliko makubwa katika kilimo cha Tanzania. Dhamira ya kituo hiki ni katika ubunifu, usambazaji wa teknolojia, na mbinu za kilimo endelevu Tafiti hizi za kilimo,zimelenga kuboresha  maisha yenye ustahimilivu na kuchangia kwa kiasi kikubwa katika maono ya taifa ya kufanikisha usalama wa chakula na ustawi wa kiuchumi.